Mjasiriamali mmoja aliwahi kusema, "Biashara siyo unachouza, ni kile mteja anachonunua." Katika kitabu cha Business Adventures, John Brooks anatupa kisa cha kusikitisha lakini chenye mafunzo makubwa cha gari lililoitwa Edsel, lililotengenezwa na kampuni ya Ford.
Ford walitumia miaka mingi na mamilioni ya dola kufanya utafiti, wakiamini wanatengeneza gari ambalo kila mtu atalipenda. Lakini walipolizindua, lilikua anguko kubwa la kihistoria. Hapa kuna mafunzo kwa mjasiriamali wa Kitanzania:
1. Usiishi Kwenye "Utafiti wa Karatasi" Pekee
Ford walitegemea sana takwimu za zamani na maoni ya watu ya miaka miwili nyuma. Walipofika sokoni, ladha ya wateja ilikua imeshabadilika.
Funzo: Kama unaanza biashara leo Dar es Salaam, usitegemee utafiti wa mwaka jana. Soko letu linaenda kasi. Ongea na wateja wa leo, siyo wa jana.
2. Epuka "Kujiamini Kupitiliza" (Over-Innovation)
Gari la Edsel lilikuwa na mbwembwe nyingi sana kiasi kwamba lilikuwa gumu kutumia na lilikua na hitilafu nyingi za kiufundi.
Funzo: Anza na kitu rahisi kinachofanya kazi (Minimum Viable Product). Usiweke mbwembwe nyingi kwenye "App" au huduma yako kiasi kwamba mteja anachanganyikiwa.
3. Jina na Muonekano ni Silaha
Watu wengi walilichukia jina "Edsel" na muonekano wa gari lile, wakisema linafanana na vitu vya ajabu.
Funzo: Chagua jina la biashara linalovutia na rahisi kutamkika. Kama jina halishiki (branding), hata kama bidhaa ni nzuri, watu wataisusia.
4. Jua Lini la Kuacha (The Point of No Return)
Ford waliendelea kumwaga pesa kwenye Edsel hata pale walipoona dalili kuwa hali ni mbaya.
Funzo: Kama mradi hauleti faida baada ya majaribio ya kutosha, uwe na ujasiri wa kubadili mwelekeo (Pivot) badala ya kuendelea kupoteza mtaji.
Chanzo: 1. Kawasaki, G. (2004). The Art of the Start. 2. Dyanka, G. (2024). Nguvu ya Malengo. 3. Brooks, J. (1969). Business Adventures: Twelve Classic Tales from the World of Wall Street.
2 comments
💡 Tafakuri ya Kigwiji (Afterthought) #02
Mzee wangu, biashara siyo kubahatisha, ni sayansi ya kujifunza kutokana na makosa ya wengine ili usiyakariri wewe. Kitabu hiki cha Business Adventures ni hazina ambayo Bill Gates anasema ni kitabu bora zaidi cha biashara alichowahi kusoma.
Kumbuka, ujasiriamali unahitaji kujiandaa kwa maarifa sahihi ili uweze kufanya maamuzi yenye tija.
Je, ungependa kuanza safari yako ya kigwiji kwa kukisoma kitabu hiki chote? Niambie kwenye maoni kama unahitaji nakala ya Kiingereza (Original) au muhtasari wa Kiswahili nikutumie sasa hivi! 📚🚀
Tafakuri ya Kigwiji (Afterthought)
Mzee wa kazi, somo la Edsel linatukumbusha kuwa Mteja ndiye Mfalme. Hata uwe na mamilioni, kama hutosikiliza soko linataka nini, utaishia kutengeneza “Edsel” nyingine. Daima kuwa mkweli (Truthful) kwa namba zako na maoni ya wateja